ეს საოცარი ინტერიერი, რომელიც პირველივე დანახვისას მოგხიბლავთ, „რაიმონდ პალასია“. ის ბაკურიანში, დიდველის ტერიტორიაზე მდებარეობს და იმ ერთ-ერთ იშვიათ სასტუმროთაგანია, რომელიც განუმეორებელი დიზაინით გამოირჩევა. ადგილი მათთვის, ვინც დასასვენებლად დაუვიწყარი შთაბეჭდილებებით სავსე ატმოსფეროს ეძებს. “რაიმონდ პალასი” გამოირჩევა ფერებითა და დიზაინით, რომელსაც დამსვენებლები ერთხმად აღნიშნავენ.
როგორც “რაიმონდ პალასის” ინტერიერის დიზაინერმა თეონა ბექაური აღნიშნა Shin.ge-სთან საუბრის დროს, “რაიმონდ პალასი” განსაკუთრებული და გამორჩეულია ყველა სხვა მის ირგვლივ არსებული შენობებისგან.
ხშირად ვსტუმრობდი ბაკურიანს. ულამაზესი კურორტია და იქ ფაქტობრივად თითზე ჩამოსათვლელი იყო ისეთი შენობა, სადაც ყველა ასპექტში კომფორტულად იგრძნობდი თავს. პირველ რიგში სწორედ ამ შთაბეჭდილებით ვიხელმძღვანელე კონკრეტულ დიზაინზე მუშაობის დროს.
ასევე პრიორიტეტული იყო, რომ სასტუმროში ყოფილიყო მაქსიმალურად ჯანსაღი, სასიამოვნო და განსაკუთრებული გარემო. სწორედ ამიტომ „რაიმონდ პალასის“ ინტერიერში გამოვიყენეთ მხოლოდ ეკოლოგიურად სუფთა მასალები. ავეჯი მასიური ხით დამზადდა, რომელიც უმაღლესი ხარისხის ცვილით დავამუშავეთ.
Raimond Palace“ მდებარეობს „crystal ski arena“-ს საბაგიროს გვერდით. წარმოიდგინეთ, რამდენად მოსახერხებელია, რომ ჩვენი დამსვენებლები სასტუმროდან გასვლისთანავე სასრიალო ტრასასთან აღმოჩნდებიან.
ალბათ ჩემი მხრიდან გადაჭარბებული არ იქნება თუ ვიტყვი, რომ ნამდვილად გამორჩეული სამყარო შეიქმნა, რაშიც უდიდესი წვლილი მიუძღვის თავის საქმეზე უზომოდ შეყვარებულ პროფესიონალთა გუნდს, რომელიც ჩემთან ერთად თავდაუზოგავად მუშაობდა მთელი ამ ხნის განმავლობაში
